وقفوها جمعتين...عنفوها...مبعد طلعت خاطيها

في مركز النخيلات طريق رواد .. طلبوها قالولها فما شكون شاكي بيك مشات بساقيها الصباح ونهار كان الجمعة وحطولها مينوت في يد وحدة مرتبطة بحاجة لوطا ودخلو عليها ضرب باش تستعرف وهي ما عملت شي ولا خلاوها تطلب العايلة ولا تجيب محامي حتى قريب 8 مع حظر الجولان تبدل الفريق وواحد سخف عليها خلاها تتصل بالعايلة باش عرفو وين موجودة وبالطبيعة توقفت تعدات لبوشوشة حتى للاثنين وصادفت الحكاية مع اضرابات القضاة .. تمرمدت من المركز لبوشوشة للمنطقة واسبوعين موقفة في حكاية لفقوهالها الحاكم والمحضر كتبوه هوما وأجبروها تحت التهديد تصحح من غير ما قرات شفيه .. وقفت مرة وحدة قدام قاضي آذن بنيابة عدلية وهوما يرحم والديهم منطقة رياض الأندلس حلو بحث وخدمو وجابو شهود وتبين انها خاطيها (حتى طريقة معاملتهم ليها كانت حضارية) هي توا خرجت سراح وقدمت شكاية للتفقدية ووقفت غادي لحكاية .. الحالة النفسية متدهورة ناقمة كارهة عنيفة مذلولة وقت تحس بالظلم والعجز ..