- الإنتهاك
- التعليقات 0
- prev
- next
شنوة الي صار بالظبط
عبد القادر اليزيدي ولد حي الطيب المهيري رادس (حي الشتلة). وقت الاحتجاجات اللي صارت غادي خرج يتفقد في نصبةالخضرة اللي يخدم عليها و تمثل مصدر رزقه في اثناء العباد هاربة مالحاكم هو زادة هرب. يتمكن بيه عون امن اعتدى عليه بالعنف و بالماتراك طبعا و وقفوه. يتعدى بتهمة الحرق و التكسير و الاعتداء على عون أمن و بالطبيعة التهمة الشهيرة تكوين وفاق..يعني هذا العامل اللي يخدم على روحو و على عايلة يتشال بتهم تهز للفينقة و توا يتم الاحتفاظ بيه في سجن المرناقية في انتظار تعيين جلسة للمحاكمة. الطفل شهد معاه عرفو انو بعثو للنصبة، فريق الباسكات اللي يترانا معاه بعثو مايفيد انه طفل لا علاقة له بالعنف، ماعندوش سوابق عدلية و امورو واضحة.
الطفل هزوه بالمينوت في ايديه و عون الامن (اللي تبخر بقدرة قادر) يتهمه انه ضربو حلو 6 غرز و مبعد تمت مداهمة دارهم و هزو خوه ضربوه و هرسلوه مبعد سيبوه و منعو العايلة (ام و اب مرضى بأمراض مزمنة و كبار في السن) انهم يقابلوه و تعرضو لاهانة و العنف اللفظي من طرف اعوان الأمن.
حاليا عبد القادر مهدد بالسجن على خلفية تهم لا علاقة له بها و عائلته تعيش في رعب و ضغط نفسي كبير و حياة والدته معرضة للخطر بسبب سوء وضعها الصحي
اضف تعليق