شنوة الي صار بالظبط
خويا ماعملش العشرين خرج يتكيف قدام الدار خاتر يقدر بابا..
يلقى روحو في وسط باڨة و ياكل في الضرب و توا موقف عندو جمعة ظلم و حرام..
خويا انا كيما برشا لا عملو أيديهم و لا ساقيهم يلقاو رواحهم في ڨلبو..
كيفو كيما أحمد الشريف لي مالمروج لي ضايع في الكياس خاتر كارين جدد و مالقاش الحومة متاعو و كيفو كيما برشاا قراو معايا منهم أشرف و خو محمد ولاد حومتي..
و جلستهم غدوة و الله اعلم شنوا يستنى فيهم و في مصيرهم..
امي 3 ايام تمشي للمحكمة كل يوم يقولولها غدوة الجلسة و هو موقف من نهار الأحد أربعة تع الصباح في بوشوشة و حد ماقلها..
انا مشيت ريتو و ريت برشاا رجال على صغر سنهم مطيشين غادي من وجوهم و غزرتهم تفهم لي هوما تاعبين وزيد تراهم كيفاه يتباكاو كي راو عايلاتهم انا ماصدقتش كي ريت خويا في الحالة هاكي..
ماهياش بلاصته و ماهياش بلاصتهم جرت شمايت و ظلم و تحرقيس دوسيات..
مانجم نقول كان حسبي الله و نعم الوكيل في هالعباد لي خلات امي و بابا في حالة هكا و الي خلات عايلات تتشتت و قلوب محروقة على شباب هالبلاد..
لي ريتو انا في الحبس تع المرناڨ مايجي كان مهزلة سياسية قاعدين يستنفعو منها المتحييلين و الطحانا و المعقدين و الخونة و احنا و عايلاتنا نخلصو..
انا اليوم مانجمش نفدلك و نحكي مع خويا و لا حتى نتعارك معاه جرت مظلمة كبيرة لا دخل له فيها
تصاور
اضف تعليق