الموسيقى ممنوعة في الطريق العام

اليوم هبطت لوسط البلاد باش نعزف ، ركبت الماتريال ومازلت ماعملت حتى شيء ، يتعداو هذوما الزوز في شارع الحبيب بورقيبة جاو طول "هز الماتريال و برا روّح لا نكسرهولك علاخاطر ممنوعة الموسيقى" ، حكيت معاه بالعقل و عطيتو رخصتي وفهمتو الي مافماش حاجة غالطة نعمل فيها .
هوني تتدخل الأخت الكريمة بعبارة "وآآ يخي ما تفهمش بالعربي"
قلتلهم هاني باش نعزف و ابعدوني ، بداو يدزو و الشرطي ضربني في ساقي و كان فما برشا عباد .
بعد هذا الكل صاحبتي تصور ،يخي نحاولها التليفون والعنصرية بدات
ارجع لبلادك
ماكش في بلادك
تو نضربك قدام العباد الكل
هذوما عبارات تقولهم لأختك زادا
و السبان بدا ، و بدا تكسير المتريال .
الفايدة تلمت العباد و لقيت روحي في وسط مسرحية ، لا عرفت نضحك لا نبكي .
نحب الميساج هذا يوصل و ناخو حقي و المرّة هذي و الله ما نسمح .